Әскери өмірге алғашқы қадам: ерекше кездесу.

Бүгін мектебімізде маңызды әрі тағылымды кездесу өтті. Қазақстан Республикасы Сабыр Рахымов атындағы әскери колледждің 1 курс курсанттары – Орынбай Рамазан, Сәрсенбай Азамат және Алгазиев Мағжан мектеп оқушыларымен жүздесіп, кәсіби бағдар беру жұмыстарын жүргізді.

Курсанттар әскери колледждің күнделікті өмірі, тәртібі мен мүмкіндіктері жайлы әсерлі әңгіме қозғап, оқушыларға болашаққа жол ашатын әскери білімнің артықшылықтарын түсіндірді. Әскери қызметтің маңыздылығы мен ерліктің құндылығы туралы айтқан жастар өздерінің патриоттық рухын көрсете білді.

Бұл кездесу оқушыларымыздың бойында Отанға деген сүйіспеншілік пен жауапкершілікті арттырып, әскери мамандықтарға деген қызығушылығын оятты. Әскери жолды таңдаған жастардың табандылығы мен мақсаты бізді ерекше әсерге бөледі.

Осындай шабытты кездесу үшін курсанттарымызға алғысымызды білдіреміз. Ерлік пен патриотизм жолындағы жастарымыздың жарқын болашағы үшін сәттілік тілейміз! 🇰🇿 [media=https://www.instagram.com/p/DECFt5sIRBg/?img_index=1]