«Оқу процесіне заманауи технологияларды енгізу» тақырыбындағы коучингтер

2024 жылдың 30 желтоқсаны мен 2025 жылдың 5 қаңтарында қысқы демалыс күндерінде мұғалімдердің кәсіби шеберлігін арттыру мақсатында ерекше коучингтер өткізілді. Бұл шараның негізгі мақсаты – заманауи ақпараттық және коммуникациялық технологияларды білім беру процесіне тиімді енгізу, педагогтарға жаңа әдіс-тәсілдер мен құралдарды үйрету және оларды оқу барысында нәтижелі қолдану жолдарын көрсету болды.

Коучинг барысында мұғалімдерге оқу материалдарын цифрлық платформалар арқылы жетілдіру, білім беру сапасын онлайн ресурстарды қолдану арқылы арттыру бойынша нақты тәжірибелік кеңестер берілді. Шара заманауи педагогикалық құралдарды пайдалануға деген қызығушылықты арттырып, ұстаздардың шығармашылық әлеуетін жаңа деңгейге көтеруге ықпал етті.

Бұл шараны мектептің жас әрі белсенді педагогтары:
• Жиренбаева Улжалгас Серикбаевна,
• Бекжанова Тамара Аскаровна,
• Егизбаева Маржан Нұрланқызы,
• Каева Полина Валерьевна
жүргізді. Олардың кәсібилігі, жаңашыл идеялары және шабыттандырушы жұмыстары көпшіліктің ықыласына бөленіп, әріптестер тарапынан үлкен алғысқа ие болды.

Осы коучингтер ұстаздар қауымының білім беру сапасын арттыруға бағытталған ынтымақтастығын нығайтып, жаңа технологияларды оқу процесінде қолдану дағдыларын жетілдіруге зор серпін берді. Мектептің болашаққа деген сенімді қадамы осындай жемісті бастамалардан көрініс табатыны анық!
[media=https://www.instagram.com/p/DEcfktdIuBL/?img_index=1]