Мектебімізде ерекше әрі тағылымды кездесу өтті. 10-сынып оқушылары әдебиеттанушы, ақын және аудармашы Абай Қалшабекпен жүздесті.

Кездесу барысында қонағымыз өзінің шығармашылық жолы, хикметтік прозаға келуі және әлем классиктерін қазақ тіліне аудару тәжірибесі туралы әсерлі әңгіме өрбітті. Сонымен қатар қазіргі жастардың тәрбиесі, ұлттық құндылықтардың маңызы және тұлға қалыптастыру жолдары жайында ой қозғап, оқушылармен еркін пікір алмасты.

«Қазіргі жастар тәрбиесі: ұлттық құндылықтар және тұлға қалыптастыру» тақырыбындағы бұл кездесу оқушыларға үлкен рухани серпіліс берді. Жастар көкейлеріндегі сұрақтарын қойып, өмірлік бағыт-бағдар алуға мүмкіндік алды. [media=https://www.instagram.com/p/DXzAJM0I-it/]