Мектебіміздің фан-клубы Шымкент қаласы мектептері арасында өткен қалалық байқауда жүлделі III орынды иеленіп, жыл қорытындысына арналған есептік концертте өнер көрсетуге арнайы шақырылды. Бұл — жанкүйерлеріміздің ұйымшылдығы мен белсенділігінің, шығармашылық еңбегінің айқын дәлелі. Фан-клубтың әсерлі қойылымы көрерменге көтеріңкі көңіл кдомсыйлап, мектебіміздің мерейін асқақтатты. Жас өнерпаздарымызды құттықтаймыз! Алдағы уақытта да толағай табыстар мен биік белестер тілейміз.

Школьникам жадынама ретінде тұрмыстық және өрт қауіпсіздігі талаптары кеңінен түсіндірілді: – Шыршаны қабырға мен төбеден кемінде 1 метр қашықтықта, тұрақты негізге орнату; – Шыршаны жылу беретін құралдарға жақын қоймау; – Жеңіл тұтанатын ойыншықтар, мақта, қағаз, шам қолданбау; – Тек сертификатталған электр гирляндаларын пайдалану; – Эвакуациялық шығу жолдарын бөгемеу; – Ғимарат ішінде отшашу, хлопушка, шам қолданбау; – Электр құралдарын қараусыз қалдырмау; – Балалардың электр гирляндаларын

Бұл — тынымсыз еңбектің, кәсіби шеберліктің және өнерге деген шынайы сүйіспеншіліктің жарқын нәтижесі. Айдана Мәдәлханханқызының әрбір жетістігі — шәкірттеріне үлгі, ұжымымыз үшін зор мақтаныш. Құттықтаймыз! Еңбегіңіздің жемісін көре беріп, шығармашылық шабыт пен жаңа белестерді бағындыра беріңіз. Мектебіміздің абыройы әрдайым асқақтай берсін![media=https://www.instagram.com/p/DSrON8LCOLR/]

Мектебімізде «Өзін-өзі тану және бақыт фракциясы» аясында «Бақыт деген не?» тақырыбында тағылымды шара өтті. Іс-шара барысында оқушылар бұл маңызды сұраққа өз көзқарастарын білдіріп, бақыт ұғымын әр қырынан түсіндірді. «Ашық микрофон» рубрикасы арқылы оқушылар еркін ой бөлісіп, шынайы пікірлерін ортаға салды. Шара жас ұрпақты өз ойын ашық айтуға, өзін тануға және өмірдің мәні туралы терең ойлануға бағытталды. [media=https://www.instagram.com/p/DSpWsLRCJEF/]

«Балалар әдебиетінің бәйтерегі» атты танымдық сабақ өтті. Сабақ барысында Сапарғали Бегалиннің шығармашылық жолы мен балалар әдебиетіне сіңірген еңбегі кеңінен насихатталды. Оқушылар жазушының шығармашылығы туралы мәлімет алып, балаларға арналған туындыларынан үзінділер оқыды. Белсенді оқушылар жазушы кейіпкерлерінің бейнесін сомдап, талдап, қызықты тапсырмалар орындап, шығармашылық қабілеттерін көрсетіп, викториналық сұрақтарға жауап берді. С. Бегалин шығармалары балалықтың балғын иісі мен

Мектебімізде «Кітап оқитын ұлт» жобасы аясында кітапханашы Тилепбаева П.Л. ұйымдастырған мазмұнды кітап көрмесі өтті. Көрмеде жоба аясында оқытылатын кітаптар тізімі ұсынылып, сондай-ақ QR-коды бар кітаптар қойылды. Бұл оқырмандарға кітаптарды заманауи форматта оқуға мүмкіндік береді. Жобаның негізгі мақсаты — оқушылардың кітап оқуға деген қызығушылығын арттыру, тұрақты оқу дағдысын қалыптастыру, ұлттық құндылықтарды сақтау және жас ұрпақты отансүйгіштікке тәрбиелеу.

Челлендж барысында оқушылар өздерінің оқу, өнер, спорт және түрлі бағыттағы жетістіктерін ел дамуына қосылған үлес ретінде ұсынды. Шараның басты мақсаты — жас ұрпақтың бойында отансүйгіштік сезімді нығайтып, өз жетістігі арқылы елге қызмет етуге ұмтылысын арттыру. Іс-шара оқушылардың белсенділігі мен шығармашылығын көрсете отырып, олардың болашаққа деген сенімін нығайтты[media=https://www.instagram.com/p/DSWmoSjiFyF/]

Байқау барысында оқушылар Тәуелсіз Қазақстанның жетістіктерін, ел бірлігі мен бейбіт өмірді өз қиялымен қағаз бетіне түсірді. Әрбір жұмысынан туған елге деген сүйіспеншілік пен мақтаныш сезімі айқын көрінді. Сурет байқауы оқушылардың шығармашылық қабілетін дамытуға, ұлттық құндылықтарды дәріптеуге және отансүйгіштік рухты қалыптастыруға бағытталды. [media=https://www.instagram.com/p/DSXbmCbCJ_0/?img_index=1]

Сынып сағаттары барысында оқушыларға Тәуелсіздіктің тарихи маңызы түсіндіріліп, елдік құндылықтар, отансүйгіштік пен азаматтық жауапкершілік туралы тағылымды ойлар айтылды. Танымдық әңгімелер, пікір алмасулар арқылы оқушылардың ел тарихына деген құрметі артты. Мұндай тәрбиелік шаралар жас ұрпақтың бойында патриоттық рухты қалыптастыруға бағытталған.[media=https://www.instagram.com/p/DSVHgd8CK7m/?img_index=1]

Мектебіміздің АӘД мұғалімі Федоров Виктор Қазақстан Республикасының Тәуелсіздік күніне орай өткізілген алғашқы әскери және технологиялық дайындық пәні қызметкерлері арасындағы пневматикалық винтовкамен ату бойынша республикалық турнирде 60+ жас ерекшелігі санатында І орынды иеленді. Бұл жетістік — табандылықтың, жоғары шеберліктің және спортқа деген адалдықтың айқын көрінісі. Жеңісіңіз құтты болсын, алдағы уақытта да биік белестерден көріне беруіңізге