Берекесі жарасқан – Ұлыстың ұлы күні!

Ұлттық құндылықтарды дәріптеу мақсатында өтіп жатқан “Наурызнама” онкүндігі аясында “Ынтымақ күні” қарсаңында мектебіміздің әдістемелік бірлестіктері ерекше сайыс-челлендж ұйымдастырып, мерекенің мәнін айшықтайтын видеороликтер түсірді.

Наурыз – татулық пен бірліктің, ынтымақ пен өзара сыйластықтың мерекесі. Бұл күн тек көктемнің ғана емес, жан дүниеміздің жаңаруын, ортақ мақсат жолындағы ауызбіршілігіміздің артуын білдіреді. Мектебіміздің ұстаздары мен оқушылары әзірлеген мазмұнды видеороликтер ұлттық құндылықтарды насихаттауға, Наурыздың мән-маңызын терең түсінуге үлес қосты.

Ынтымақ бар жерде – ырыс бар! Бірлігіміз бекем, берекеміз мол болсын!