Шара барысында оқушылар қазақтың ұлы ақынының өмір жолы, шығармашылығы және адамзаттық құндылықтарға үндейтін өсиеттерімен тереңірек танысты. Абайдың қара сөздері мен өлеңдерінен үзінділер оқылып, оның рухани мұрасының бүгінгі күндегі маңызы талқыланды. Сынып сағаттары жас ұрпақтың ұлттық мәдениетке деген құрметін арттырып, ойлы да білімді азамат болып қалыптасуына ықпал етті. [media=https://www.instagram.com/p/DRZepaViC1D/?img_index=1]

Бала еңбегін қанауға қарсы апталық аясында мектебіміздің Парламенті «Баланы жас кезінен еңбекке баулу қажет пе, әлде жоқ па?» тақырыбында қала тұрғындарынан және оқушылардан сұхбат жүргізді. Интервью барысында қатысушылар өз көзқарастарын білдіріп, баланың еңбекке араласуының пайдасы мен ықтимал қауіптері туралы ой-пікірлерімен бөлісті. Бұл жұмыс оқушылардың әлеуметтік белсенділігін арттырып қана қоймай, қоғамда баланың құқықтарын сақтау және қауіпсіз даму ортасын қалыптастыру жөніндегі